Translate

Thursday, May 28, 2015

අපි ගොතමු ලස්සනට ...................

වසරක්ම ගෙවී ගියත් බ්ලොග් එක ලියන්න ලැබුනෙ නැහ.ඒත් මම හිතුව අලුත් දෙයකින් පටන් ගන්න. අපේ රටේ කාන්තාවන් වෙනුවෙන් ගෙතුම් පිලිබද විස්තරයක් ලියන්න. අපිනම් දන්නේ අත්රේන්ද ගෙති‍ම ගැන පමණයි. ඒත් ගෙත=ම් මගින් නොයෙකුත් දේ ගොතන්න පුලුවන්.අන්තර්ජාලයෙත් ක්‍රෝචට්,පිලට්,ලේස් ආදි වශයෙන් ගෙතුම්  ක්‍රම රාශියක් තියෙනව. මේවා තනි කටුවෙන් කරන නිර්මාණ.කටු දෙකින් කරන ඒව නීටින් කියල හදුන්වනව .ඒ සදහා වැඩිපුරම භාවිතා කරන්නෙ වුල්.සාමාන්‍ය නුලට වඩා ගෙතුම් නුල මහතයි. ඩී එම් සි කියලත් නුල් වර්ගයක් ති‍යෙනව.

දැන් ඔයාලට  දැනුමක් ලැබෙන්න ඇතිනෙ ගොතන්න පාවිච්චි කරන්න ඕන මොනවගෙ නුලක්ද කියල.අපි රෙදි මහන නුල් ගැන දැනුවත් වෙලානෙ තියෙන්නෙ. නුල ගැන පලමුවෙන්ම කියන්න යෙදුනෙ සමහර අයට මේ සදහා අවශ්‍ය දේ ගැන දැනුවත් වීමක් නැති නිසයි.
ඊලගට අපි බලමු ගෙතිම ස‍‍දහා අවශ්‍ය අනෙක් මුලිකම දේ ගැන ඒ තමයි ගොතන කටුව. මේවා ඇලුමේනියම වගේ සහ ප්ලාස්ටික් වැනි දෙවර්ගයක් තියෙනව.මම මේ ලියන්නෙ ලංකාවේ විදිහට ලෝකයේ නම් මේවා එංගලන්ත ඇමෙරිකානු ලෙස වර්ග කිරිමක් තියෙනව.මේවා අංක එකේ සිට ඉහලට වර්ග කිරිමක් තියෙනව .ඒ කියන්නෙ 1,2,3,4,5 ........ ආදි වශයෙන් මම ලග නම් තියෙන්නෙ 14 වෙනකම් විතරයි.දැන් ඔයාල හිතයි මොකටද මේ 123 වශයෙන් කියල.ඒක තමයි ගොතන කටුවේ හීනි බව මහත බව තෝරන්නෙ.අංක 1 කටුව මහතයි.අංක 14 කටුව ගොඩක් හීනියි.දැන් වැටහෙනව නෙ නුල අනුව කටුව භාවිතා කලයුතුබව.පහත තියෙන්නෙ අන්තර්ජාලයෙන් ගත් ඡායාරූප.ලංකාවේ විදිහට ගැලපෙන්න මම තෝරල ගත්තෙ.


             



පලමුවෙන් තියෙන්නෙ වුල් වලින් ක්‍රෝචට් ගොතනකොට භාවිතා කල හැකි තනි කටුවක්.ගෙතිම සදහා අවශ්‍ය මුලිකම දේ තමයි. ඊලගට දැන ගන්න ඕන ගොතන විදිහ.මම ඊලග පෝස්ට් එකෙන් ගෙතිමේ ක්‍රම ස්ටිච් ගැන ලියන්නම් එතෙක් මම ගොතපු ගෙතුම් දෙකක පොටෝ බලන්න ලස්සනද කියල.ආ අමතක වුනා කියන්න ලංකාවෙ නම් කාන්තාවන් විතරයි ගොතන්නෙ විදේශවල නම් පිරිමි අයත් ගොතනව.


Thursday, August 8, 2013

හොද නාට්‍යයක් බලන්න කැමති අයට

සෑහෙන කාලයක් නිහඩව සිටින්නට සිදු වුනා. බ්ලෝග් එක ලියන්න තරම් විවේකි කාලයක් නොතිබුනු නිසයි නිහඩව සිටින්නට සිදුවුනේ. පසුගිය කාලෙ හොද නාට්‍ය  කිපයක්ම බලන්න ඉඩකඩ ලැබුන. සුජාත දියණිය බලල ඉවර වෙනකොටම අභීත දියණිය බලන්න සිදුවුනානෙ.කොහොම වුනත් ලස්සන ටෙලිනාට්‍ය දෙකක් බැලිමට ලැබුන නිසා සිතටත් සතුටක් දැනුන. සමහර අය නම් මේ නාට්‍ය බැලිමට අැබ්බැහිවීමක් ගැන කතා කලා .හොද නරක දෙපැත්ත ගැනම කවුරුත් කතා කලා.කොහොම වුනත් ඒ නාට්‍ය දෙකෙන්ම රසවින්දනයක්  නම් ලැබුන.වෙනත් සංස්කෘතියකට අයත් වුනත් අපට ගත හැකි බොහෝ දේ එහි තිබුන.
"මයාවරුන්ගේ ලෝකය" නාට්‍යයට නම් මම එතරම් කැමැත්තක් නැති නිසා බලන්නෙ නැහ.
                             කොරියන්වල ඉන්න මගෙ මල්ලි කෙනෙක් නාට්‍ය බලන්න පුලුවන් වෙබ් සයිට් එකක් මට ලබාදුන්න. දැන් මම බලන්නෙ  "YI SAN " නාට්‍යයයි.ඒකත් අර නාට්‍ය දෙක වගේමයි.ඔයාලටත් කැමති නම් මේ වෙබ් සයිට් එකෙන් නාට්‍ය බලන්න පුලුවන් Good Drama .net  . කැමති කෙනෙක් බලල මටත් කියන්න.

Saturday, January 19, 2013

හිම කැටි

මේ දවස්වල අපේ රටටත් තද සීතලක් දැනෙනව. හිම මිදෙන රටවල්වල කොහොමද කියල මම අන්තර්ජාලයෙ  බලද්දි එංගලන්තයට තද හිමපතනයක් ලැබුනකියල දකින්න ලැබුන. අපට ඉතින් හිම හැබැහින් දකින්න පිටරටකටම යන්න ඕනනෙ.මම හරි ආසයි මේ හිම පිරිල තියෙන පින්තුර බලන්න.අපි මේව අසාවෙන් බැලුවත් ඒ අය මොන  තරම් කරදරයකට පත් වෙලාද කියල පසුව හිතුන.වාහනයක් පදවන්න බැහ ලිස්සනව   ....ගෙවල් හිමෙන් වැහිල .......සත්තුන් පවා අසරණ වෙලා .ඔයාලත් බලන්නකො මේ පින්තුර ටික ....මම මේ පින්තුර ලබා ගත්තේ මේල් ඔන්ලයින් නිවුස් වලින් එංගලන්තයෙ පාරවල් සහ පාසල් වසා දමා තිබුන. ඒවගේම ගුවන් ගමන් අවලංගු කර තිබුන. පාලම් කිපයකුත් වසා දමා ඇති බව දැන ගන්නලැබුන .



























Tuesday, December 18, 2012

ලස්සනයි නේද කියන්න මම මහන කර්ටන්.......

කාලෙකින්....... තිබුන වැඩකටයුතු නිසා බ්ෙලාග් එක පැත්තට එන්න ලැබුනෙ නැහ.කෙරීගෙන ගිය වැඩ අදින් පස්සෙ ඉවර නිසා මේ පැත්තට එන්න ලැබුනෙ.කාලෙක ඉදල මම ආසාවටත් එක්ක කරන වැඩ කිහිපයක් තියෙනව.මේ නත්තල් කාලෙනෙ . ඒ  විසිතුරු වැඩ වලට ඉල්ලුමක් තියෙන්න මේ කාලෙ තමයි.කර්ටන් නිර්මාණය මගෙ විනෝදාංශයක් වගේම ආර්ථිකයටත් වාසියක් . අද මම ලියන්න යන්නෙ ඊයේ  අවසන් වුනු මගේ නිර්මාණයක් ගැනයි.
                         මගේ මිතුරියක් අලුත් ගෙයක් හැදුව. එහි කර්ටන් දැමීම මට තමයි බාර දුන්නෙ.මට භාර දුන්නත් එයත් ඔය කර්ටන් දමන සාප්පු කිහිපයකත් කරක් ගැහුව.කවුරුත් කැමතියිනෙ අඩු මුදලට වැඩි හොදට කරගන්න. මම ගෙදරට ගිහින් ජනෙල් මැනල අවශ්‍ය රෙදි ප්‍රමාණය කිව්ව .මගෙ මිතුරිය රෙදි ගන්න කර්ටන් සාප්පුවකට ගියා. ඒ ගොල්ලත් කර්ටන් මහනව. හැබැයි මගෙ ගානට වඩා රුපියල් 75 ක්ම අඩුවෙන්..... කොච්චර වාසියක්ද නේද? යාලුව මට කෝල් කරල කියනව.ගාන අඩුයිනෙ........ඒක කොයිතරම් වාසියක්ද......අපි එතනින් මහගන්න බලමු. මමත් උදව් කරන්නම්.මම ඒ ගාන ගන්නෙ ,දවස් 5ක පමණ මහන්න වැයවන කරන්ට් බිල, අයන් කරන්න වැයවන බිල , ස්ටීප්වලට වැය කරන මුදල, මගෙ මහන්සිය එකතු කරලයි කියල මම පැහැදිලි  කලා. නමුත් ඔයාට අඩුමුදලට කරගන්න පුලුවන් නම් එය වාසියක් . දෙපාරක් හිතන්න එපා...කියල මම කිව්ව.යාලුවට ත් හරිම සතුටුයි මම බලෙන් ලබාගන්න උත්සාහ නොකරපු එක ගැන.මම දන්නව ගෙයක් හදන්න තියෙන සේසතම වියදම් කරල ඉන්න කෙනාට කර්ටන් ටිකට වාසියක් ලැබෙනව නම් තියෙන සතුට ගැන....අපි හැමෝම දුක් මහසියෙන් හම්බ කරන්නෙ ....අමාරුවෙන් ගෙයක් දොරක් හදාගන්නෙ ..එහෙව් එකේ කඩාවඩා ගන්න හොද නැහනෙ.
                                        මම අවශ්‍ය රෙදි ප්‍රමාණය කියල තියෙනවනෙ .නිකමට වගෙ යාලුව ජනෙල්වල උස සහ පළල දීල අවශ්‍ය රෙදි ප්‍රමාණය අහල තියෙනව.මගෙ ප්‍රමාණයට වැඩියෙන් මීටර් 10යක්ම යනවලු. රෙදි මීටරයක් රු.350 ගණනෙ මීටර් දහයකට 3500 ක් යනව.යාලුවගෙ මහත්තය කීවලු මේක හරියන වැඩක් නෙමේ රෙදි  අරගෙන අපි යමු කියල .අන්තිමට මටම මහන්න සිදුවුනා ඔයාලට තේරෙනව ඇතිනෙ වෙන සංගෙදිය. රෙදි මීටරයක් විකුණන මුදලින් ලාභයක් ලබනව.....වැඩියෙන් කියන රෙදි මීටර් ගණනට ලාභයක් ලබනව.....ඒ රෙදි මීටර් ගණන ආයිත් විකුණල මුදල සහ ලාභයක් ලබනව.....මැහුම් කුලියකුත් ලබනව.....  අනේ මම නිදිමරාගෙන මහල වැයවන ශ්‍රමයට මුදලක් විතරයි ලබාගන්නෙ .ඔන්න ඔහොමයි වෙන්නෙ....ඉතින් ඔයාලබලන්නකො මම දමපු කර්ටන්.....


                                                             


Sunday, September 30, 2012

ඉන්දියානු සර්වඥධාතුන් වහන්සේලා...........


                                                                                                                                                               පසුගිය කාලෙ අපේ අය බැතිබරින් යුතුව   කපිළවස්තු සර්වඥධාතුන් වහන්සේලා වැද පුදාගත් හැටි
මම පත්තරෙන් කියෙව්ව.කොයිතරම් වෙහෙසක් දරලද ඒ අවස්ථාව ලබාගත්තෙ කියල පෝස්ට් එකක් දැක්ක.ඒ අතින් මම වසනාවන්තයි කියල හිතනව .ඉන්දියා ගිය වේලේ කපිලවස්තු ධාතුන්වහන්සේලා අසල පැය ක් පමණ වන්දනා කලා.එතන හිටිය ඉන්දියන් ආරක්ෂකයා සමග කතාබහකරල ඡයාරූපත් ගත්ත.වෙන දේවල් පොටෝ ගන්න දෙන්නෙ නැහ.ලස්සන  ඇත්දල කැටයමක් තිබුන.ආසාවට මම පොටෝ එකක්  ගත්ත.ඒ අතරෙදි අපේ විජේ අයියත් කැමරාව අටවගෙන .....ආරක්ෂකය මෙය දැකල ගත්තු පොටෝ එක මකන්න කීවනෙ.නැතිනම් ඉ.රුපියල් 300ක් ගෙවන්න කීව.මම ගත්ත දැක්ක නැති නිසා මැකුවෙ නැහ.
                               තවත් සර්වඥධාතුන් වහන්සේනමක් ගැන ලියන්නයි මේ ඇරඹුම.පමාවුනා සේයාරූ අයිති ස්වාමින්වහන්සේගේ අවසරය ලබාගැනිමටයි.දඹදිව බුද්ධගයාවෙ තිබෙන මෙම සර්වඥධාතුන් වහන්සේ වැඩසිටින්නෙ අපේ හාමුදුරුවන්ගේ  භාරකාරත්වයෙන්.ලංකාවෙ වගේම මහජන ප්‍රදර්ශනයට පත්කරනව.ඉන්පසු නැවතත් තිබු තැන තැන්පත් කරනව. බ්‍රිතාන්‍යයන් කෝටි200ක් වටිනාකමක් දීල තියෙනව.ඒත් වටිනාකමක් නියම කල හැකිද? කෙසේ වුනත් ලස්සනට සර්වඥධාතුන්වහන්සේලා තැන්පත් කරල තියෙනව.ඒ මැණික් වල වටිනාකම වෙන්නැති මිල නියම කරල තියෙන්නෙ.

සර්වඥධාතුන්වහන්සේ
අගසව්ධාතුන්වහන්සේලා සමගමැද සර්වඥධාතුන්වහන්සේ
මහජනප්‍රදර්ශනක්දා
ධාතුන්වහන්සේලා භාරව සිටින රාහුල ස්වාමින්වහන්සේ

ලස්සන ඊමේල් ගැන......

බොහොම කාෙලකින්....ආයුබෝවන් වේවා.....අටම්පහුරෙ ඉන්දියන් මැෂින් ගැන කියවනකොට මට මතක් වුනා මගෙත් බ්ෙලාග් එකක් තියෙනව නේද?කියල.ඉන්දියා ගිහිනුත් අවුරද්දකට කිට්ටුවෙන්නත් ආව.මේ අවුරුද්ද පුරාවට පොස්ට 21කින් ඒ ගමන ගැන ලිව්ව. කියවපු අයගෙ ගනන දැක්කම සිතට සතුටයි.ඒ අයට ස්තුතියි.
                                     අවුරුද්ද ගෙවෙනකොට බ්ලොග් එක ගැන අමතක වුනා.එහෙමත් නෙමේ රාජකාරි වැඩ නිසාත් මේ දවස්වල හොද පොත් ටිකක් ගත්ත ඒව කියවන නිසාත් කාලය මදි වුනා.වයස අනුව නිදිමරන්නත් හොද නැහැනෙ.ඉතින් නැවතත් ඉන්දියා යන්නට සිහින දකිනව........බුද්ධගයාවේ රාහුල හාමුදුරුවො සමග ස්කපි හා සම්බන්ධවෙලා කතාකරන නිසා තොරතුරුත් දැන ගන්නව.කියවන පොත් අතරින් හොද පොතක් ගැන ලියන්නට කතුතුමාගෙ අවසරය ලැබුන ගමන් බ්ලොගය පැත්තෙ එන්න හිතාගෙ න උන්නත් මට ලැබෙන ඊමේල් ගැනත් ටිකක් ලියන්න ඔන කියල හිතුන.
                                  මව් පදිවිය කියන්නෙ උතුම් තානාන්තරයක් .අපි එය ලබාගන්න දරන වෙහෙස ගැන අමුතුවෙන් කියන්න ඔන නැහැනෙ.ඒ එක දරුවෙක් කුස තුල හොවාගෙන අම්මා කෙනෙක් දසමසක් ලබන මහන්සිය කොතරම්ද?   ඒත් එක අම්මාකෙනෙක් දරුවන් එකොලොස්දෙනෙක් කුසතුල දරා සිටියහොත් ..........ඒ අම්මාට තෙරුවන් සරණයි....දෙවිපිහිට ලැබේවා කියල ප්‍රාර්ථනා කරමු.ඒ වෙහෙසට කාටනම් පිහිටවිය හැකිද? ඒ දරුවන් හදාවඩා ගැනිමට කොතරම් වෙහෙසක් දැරිය යුතුද?
                                         මෙම ජයාරූපය මට ඊමේලයකින් ලැබුන නිසා යි දාන්නෙ ඒ අම්මා කැමැත්තෙන් පෙනි හිද තියෙනවනෙ .නැතිනම් මම බ්ලොගයට දාන්නෙත් නැහැ.පත්තරෙන් දකින්නත් ඇති.මාතෘපදවිය නිසා කියවන හැම වැරදි හැගිමක් ඇතිකරගන්නත් එපා.
වැඩි විස්තර නැතත් ගීනස් වාර්තාවක් ලෙසට නම්කරල තියෙනව.ඉන්දියාෙව තමයි මේ අම්ම ඉන්නෙ .අවුරදු 25ක් වෙනව.ඉන්දියාවෙ ඉන්න නිසාම මේ අම්ම වසානාවන්ත වෙලා තියෙනව.ඒමොකද පිරිමි දරුවන් 10දෙනෙකුට 1ක ගැහැණු ලමයයි. 1ට 10ක් වුනා නම් ඉන්දියාව වැනිරටක..........ඉන්දියාවට ගැහැණු ඇලජික් නෙ.අපිට නම් කවුරුත් එකයි නේද?දරුවො අතරෙ භේද නැහැ නේද.

Wednesday, August 22, 2012

සර්වඥ ධාතුන්වහන්සේලා වැදපුදාගන්න නොහැකිවු අයට.........

ගුවන්තොටුපලේ සිට ධාතුන්වහන්සේලා වඩම්මගෙන යන වෙලාවේ මමත් පාරට ගිහින් පෙරහැර දැක බලා ගත්ත.2011දෙසැම්බර් මාසයෙ එක්දිනක ඉන්දියාවේ දිල්ලි ජාතික කෞතුකාගාරයෙ දී සර්වඥ ධාතුන් වහන්සේලා වැදපුදාගත් හැටි මට මතක් වුනා.දඹදිව වන්දනාගමනෙ අවසන් අදියර ලෙස අපි එදා දිල්ලියට පැමිණියා.අපි නතරවි සිටි පන්සලේ ස්වාමින්වහන්සේ කීව කෞතුකාගාරයෙ තැන්පත් කර ඇති සර්වඥධාතුන් වහන්සේලා ලංකාවට වඩම්මවනව පෝලිම් වල ගිහින් බලනවට වඩා මෙහිදි නිදහසේ වැදගන්න කියල. අපි පස්වනක් ප්‍රීතියෙන් දිල්ලියෙ ජාතික කෞතුකාගාරයට ගියා.ඇතුල් වෙන්න ඉන්දියන් රුපියල් 300ක් ගන්නව.කැමරාව ගෙනියන්න දෙනව.ඒත් පොටෝ ගන්නව නම් අයකරනව.ධාතුන්වහන්සේලා වැඩසිටින ස්ථානයට අපි යනවිට කිසිකෙනෙක් සිටියෙ නැහ.අපි නිදහසේ වන්දනා කලා.පොටෝ එකක් ගැනීමේ අවශ්‍යතාවයත් තිබුන.ඒත් ආරක්ෂක නිලධාරියෙක් බලා ඉන්නව.හොරෙන් ගන්නත් බැහැනෙ.ඒ නිලධාරියාගෙන් අවසර ඉල්ලුව .වාසනාවකට අවසරය ලැබුන.එක පොටෝ එකක් නෙමේ හතඅටක්ම ගත්ත.


කෞතුකාගාරයෙ තිබු සේයාරුවකින් ගත් පොටෝ එකක්